ਨਿਊਯਾਰਕ ਵਿੱਚ ਮੋਟਰਸਾਈਕਲ ਹਾਦਸਿਆਂ ਦੇ ਆਮ ਕਾਰਨ

ਮੋਟਰਸਾਈਕਲ ਟਰੈਫਿਕ ਵਿੱਚੋਂ ਲੰਘ ਜਾਂਦੇ ਨੇ, ਤੰਗ ਥਾਵਾਂ ਵਿੱਚ ਫਿੱਟ ਹੋ ਜਾਂਦੇ ਨੇ, ਤੇ ਐਨੀ ਆਜ਼ਾਦੀ ਦਿੰਦੇ ਨੇ ਜੋ ਕਾਰਾਂ ਕਦੇ ਨਹੀਂ ਦੇ ਸਕਦੀਆਂ। ਪਰ ਨਿਊ ਯਾਰਕ ਦੀਆਂ ਸੜਕਾਂ 'ਤੇ, ਜਦੋਂ ਡਰਾਈਵਰ ਧਿਆਨ ਨਹੀਂ ਦਿੰਦੇ, ਤਾਂ ਇਹ ਆਜ਼ਾਦੀ ਇੱਕ ਵੱਡਾ ਖ਼ਤਰਾ ਬਣ ਸਕਦੀ ਹੈ।

Greenspan & Greenspan Injury Lawyers ਵਿਖੇ ਅਸੀਂ ਉਹਨਾਂ ਰਾਈਡਰਾਂ ਨਾਲ ਕੰਮ ਕੀਤਾ ਹੈ ਜਿਨ੍ਹਾਂ ਨੇ ਸਭ ਕੁਝ ਠੀਕ ਕੀਤਾ—ਪ੍ਰੋਟੈਕਟਿਵ ਗੀਅਰ ਪਾਇਆ, ਟਰੈਫਿਕ ਕਾਨੂੰਨਾਂ ਦੀ ਪਾਲਣਾ ਕੀਤੀ, ਚੌਕਸ ਰਹੇ—ਫਿਰ ਵੀ ਸੜਕ 'ਤੇ ਡਿੱਗ ਪਏ ਕਿਉਂਕਿ ਕਾਰ ਜਾਂ ਟਰੱਕ ਨੇ ਮਾੜਾ ਫ਼ੈਸਲਾ ਲਿਆ।

ਜ਼ਿਆਦਾਤਰ ਮੋਟਰਸਾਈਕਲ ਐਕਸੀਡੈਂਟ ਕਾਹਦੇ ਕਰਕੇ ਹੁੰਦੇ ਨੇ?

ਮੋਟਰਸਾਈਕਲ ਦੇ ਐਕਸੀਡੈਂਟ ਦੇ ਬਹੁਤ ਸਾਰੇ ਕਾਰਨ ਹੁੰਦੇ ਨੇ, ਪਰ ਜ਼ਿਆਦਾਤਰ ਕਰੈਸ਼ਾਂ ਦੀ ਜੜ੍ਹ ਇੱਕੋ ਗੱਲ 'ਤੇ ਜਾ ਕੇ ਮੁੱਕਦੀ ਹੈ: ਡਰਾਈਵਰ ਮੋਟਰਸਾਈਕਲਾਂ ਵੱਲ ਧਿਆਨ ਨਹੀਂ ਦਿੰਦੇ। ਉਹ ਕਾਰਾਂ, ਟਰੱਕਾਂ ਤੇ ਬੱਸਾਂ ਵੱਲ ਤਾਂ ਦੇਖਦੇ ਨੇ, ਪਰ ਛੋਟੀਆਂ ਗੱਡੀਆਂ ਹਮੇਸ਼ਾ ਉਹਨਾਂ ਦੀ ਨਜ਼ਰ ਵਿੱਚ ਨਹੀਂ ਆਉਂਦੀਆਂ। ਧਿਆਨ ਵਿੱਚ ਉਸ ਇੱਕ ਪਲ ਦੀ ਕਮੀ ਕੁਝ ਸਭ ਤੋਂ ਭੈੜੇ ਐਕਸੀਡੈਂਟਾਂ ਦਾ ਕਾਰਨ ਬਣਦੀ ਹੈ।

ਇਹ ਗੱਲ ਧਿਆਨ ਵਿੱਚ ਰੱਖ ਕੇ, ਆਓ ਨਿਊ ਯਾਰਕ ਵਿੱਚ ਮੋਟਰਸਾਈਕਲ ਐਕਸੀਡੈਂਟ ਦੇ ਆਮ ਕਾਰਨਾਂ ਨੂੰ ਨੇੜਿਓਂ ਦੇਖੀਏ।

1. ਖੱਬੇ ਪਾਸੇ ਮੁੜਨ ਵੇਲੇ ਹੋਣ ਵਾਲੀਆਂ ਟੱਕਰਾਂ

ਇੰਟਰਸੈਕਸ਼ਨਾਂ 'ਤੇ ਮੋਟਰਸਾਈਕਲਾਂ ਦਾ ਰਾਹ ਸਭ ਤੋਂ ਵੱਧ ਕੱਟਿਆ ਜਾਂਦਾ ਹੈ। ਇੱਕ ਡਰਾਈਵਰ ਜੋ ਖੱਬੇ ਪਾਸੇ ਮੁੜ ਰਿਹਾ ਹੁੰਦਾ ਹੈ ਖੁੱਲ੍ਹੀ ਜਗ੍ਹਾ ਦੇਖਦਾ ਹੈ, ਨੇੜੇ ਆ ਰਹੇ ਮੋਟਰਸਾਈਕਲ ਨੂੰ ਨਹੀਂ ਦੇਖਦਾ, ਤੇ ਠੀਕ ਉਸ ਦੇ ਅੱਗੇ ਆ ਜਾਂਦਾ ਹੈ। ਰਾਈਡਰ ਕੋਲ ਦੋ ਹੀ ਰਾਹ ਹੁੰਦੇ ਨੇ—ਜ਼ੋਰ ਨਾਲ ਬਰੇਕ ਮਾਰੇ ਤੇ ਸਲਾਈਡ ਹੋਣ ਦਾ ਖ਼ਤਰਾ ਉਠਾਵੇ ਜਾਂ ਟੱਕਰ ਲਈ ਤਿਆਰ ਹੋ ਜਾਵੇ।

ਨਿਊ ਯਾਰਕ ਵਿੱਚ ਡਰਾਈਵਰਾਂ ਨੂੰ ਖੱਬੇ ਮੁੜਨ ਵੇਲੇ ਸਾਹਮਣਿਓਂ ਆ ਰਹੇ ਟਰੈਫਿਕ ਨੂੰ ਰਾਹ ਦੇਣਾ ਜ਼ਰੂਰੀ ਹੈ, ਪਰ ਬਹੁਤ ਸਾਰੇ ਡਰਾਈਵਰ ਮੋਟਰਸਾਈਕਲਾਂ ਨੂੰ ਨਹੀਂ ਦੇਖ ਪਾਉਂਦੇ। ਭਾਵੇਂ ਰਾਈਡਰ ਦਾ ਰਾਹ ਸੀ, ਡਰਾਈਵਰ ਦਾ ਪਹਿਲਾ ਬਹਾਨਾ ਆਮ ਤੌਰ 'ਤੇ ਇਹੀ ਹੁੰਦਾ ਹੈ, "ਮੈਂ ਤਾਂ ਉਹਨਾਂ ਨੂੰ ਦੇਖਿਆ ਹੀ ਨਹੀਂ।" ਇਸ ਨਾਲ ਇਹ ਗੱਲ ਨਹੀਂ ਬਦਲਦੀ ਕਿ ਟੱਕਰ ਮੋਟਰਸਾਈਕਲ ਨੂੰ ਵੱਜੀ।

2. ਬਲਾਈਂਡ ਸਪਾਟ ਵਿੱਚ ਲੇਨ ਬਦਲਣਾ

ਹਰ ਕਾਰ ਦਾ ਇੱਕ ਬਲਾਈਂਡ ਸਪਾਟ ਹੁੰਦਾ ਹੈ, ਪਰ ਮੋਟਰਸਾਈਕਲ ਉਸ ਵਿੱਚ ਬਹੁਤ ਸੌਖਿਆਂ ਫਿੱਟ ਹੋ ਜਾਂਦੇ ਨੇ। ਇੱਕ ਡਰਾਈਵਰ ਮਿਰਰ ਵਿੱਚ ਦੇਖਦਾ ਹੈ, ਕੁਝ ਨਜ਼ਰ ਨਹੀਂ ਆਉਂਦਾ, ਤੇ ਰਾਈਡਰ ਦੀ ਥਾਂ ਵਿੱਚ ਆ ਵੜਦਾ ਹੈ।

ਜਿਹੜੇ ਡਰਾਈਵਰ ਬਿਨਾਂ ਦੇਖੇ ਲੇਨ ਬਦਲ ਲੈਂਦੇ ਨੇ, ਉਹ ਵੱਡਾ ਖ਼ਤਰਾ ਪੈਦਾ ਕਰਦੇ ਨੇ, ਖ਼ਾਸ ਕਰਕੇ ਮੋਟਰਸਾਈਕਲ ਵਾਲਿਆਂ ਲਈ। ਇੱਕ ਕਾਰ ਦੀ ਹਲਕੀ ਜਿਹੀ ਟੱਕਰ ਜੋ ਫੈਂਡਰ 'ਤੇ ਮਸਾਂ ਖਰੋਂਚ ਛੱਡਦੀ ਹੈ, ਮੋਟਰਸਾਈਕਲ ਨੂੰ ਸੜਕ 'ਤੇ ਘਸੀਟ ਸਕਦੀ ਹੈ।

ਨਿਊ ਯਾਰਕ ਕਾਨੂੰਨ ਡਰਾਈਵਰਾਂ ਲਈ ਲੇਨ ਬਦਲਣ ਤੋਂ ਪਹਿਲਾਂ ਸਿਗਨਲ ਦੇਣਾ ਤੇ ਇਹ ਪੱਕਾ ਕਰਨਾ ਜ਼ਰੂਰੀ ਹੈ ਕਿ ਲੇਨ ਖਾਲੀ ਹੈ, ਪਰ ਬਹੁਤੇ ਇੰਝ ਨਹੀਂ ਕਰਦੇ। 

3. ਸਪੀਡਿੰਗ ਤੇ ਖ਼ਤਰਨਾਕ ਡਰਾਈਵਿੰਗ

ਕਾਰ ਜਿੰਨੀ ਤੇਜ਼ ਚੱਲਦੀ ਹੈ, ਡਰਾਈਵਰ ਕੋਲ ਰੀਐਕਟ ਕਰਨ ਲਈ ਓਨਾ ਹੀ ਘੱਟ ਟਾਈਮ ਹੁੰਦਾ ਹੈ। ਮੋਟਰਸਾਈਕਲਾਂ ਕੋਲ ਪਹਿਲਾਂ ਹੀ ਮੁੜਨ-ਘੁੰਮਣ ਲਈ ਘੱਟ ਥਾਂ ਹੁੰਦੀ ਹੈ, ਤੇ ਜਦੋਂ ਤੇਜ਼ ਚੱਲਦੀ ਕਾਰ ਬਹੁਤ ਨੇੜੇ ਆ ਜਾਂਦੀ ਹੈ, ਤਾਂ ਗਲਤੀ ਦੀ ਕੋਈ ਗੁੰਜਾਇਸ਼ ਨਹੀਂ ਰਹਿੰਦੀ।

ਸਪੀਡਿੰਗ ਕਰਨ ਵਾਲੇ ਡਰਾਈਵਰ ਦੂਰੀ ਦਾ ਗਲਤ ਅੰਦਾਜ਼ਾ ਲਾਉਂਦੇ ਨੇ, ਲਾਲ ਬੱਤੀ ਟੱਪ ਜਾਂਦੇ ਨੇ, ਤੇ ਅਚਾਨਕ ਲੇਨ ਬਦਲ ਲੈਂਦੇ ਨੇ। ਭਰੀ ਸੜਕ 'ਤੇ, ਜਦੋਂ ਇੰਝ ਹੁੰਦਾ ਹੈ, ਤਾਂ ਮੋਟਰਸਾਈਕਲ ਕੋਲ ਕਿਤੇ ਜਾਣ ਨੂੰ ਥਾਂ ਨਹੀਂ ਹੁੰਦੀ।

ਕੁਝ ਡਰਾਈਵਰ ਮੋਟਰਸਾਈਕਲਾਂ ਦੇ ਬਿਲਕੁਲ ਨੇੜੇ ਵੀ ਚੱਲਦੇ ਨੇ, ਇਹ ਸਮਝ ਕੇ ਕਿ ਉਹ ਕਾਰ ਵਾਂਗ ਝੱਟ ਰੁਕ ਸਕਦੇ ਨੇ। ਉਹ ਨਹੀਂ ਰੁਕ ਸਕਦੇ। ਘੱਟ ਰੁਕਣ ਦੀ ਦੂਰੀ ਦਾ ਮਤਲਬ ਹੈ ਕਿ ਪਿੱਛਿਓਂ ਟੱਕਰ ਬੱਸ ਕੁਝ ਸਕਿੰਟਾਂ ਦੀ ਦੂਰੀ 'ਤੇ ਹੈ।

ਸਪੀਡਿੰਗ ਮੋਟਰਸਾਈਕਲ ਐਕਸੀਡੈਂਟਾਂ ਦੇ ਸਭ ਤੋਂ ਵੱਡੇ ਕਾਰਨਾਂ ਵਿੱਚ ਆਉਂਦੀ ਹੈ, ਜੋ ਕਰੈਸ਼ਾਂ ਨੂੰ ਹੋਰ ਭੈੜਾ ਬਣਾਉਂਦੀ ਹੈ ਤੇ ਰਾਈਡਰਾਂ ਨੂੰ ਟੱਕਰ ਤੋਂ ਬਚਣ ਦਾ ਮੌਕਾ ਮਸਾਂ ਹੀ ਦਿੰਦੀ ਹੈ।

4. ਧਿਆਨ ਭਟਕੇ ਹੋਏ ਡਰਾਈਵਰ

ਫ਼ੋਨ, GPS ਸਕਰੀਨਾਂ, ਖਾਣੇ ਦੇ ਲਿਫ਼ਾਫ਼ੇ, ਮੇਕਅੱਪ ਦੇ ਸ਼ੀਸ਼ੇ—ਇਹ ਹੈਰਾਨੀ ਵਾਲੀ ਗੱਲ ਹੈ ਕਿ ਕਿੰਨੀਆਂ ਚੀਜ਼ਾਂ ਡਰਾਈਵਰ ਦੀ ਨਜ਼ਰ ਸੜਕ ਤੋਂ ਹਟਾ ਲੈਂਦੀਆਂ ਨੇ। ਮੋਟਰਸਾਈਕਲ ਵਾਲੇ ਲਈ, ਇਹ ਧਿਆਨ ਦਾ ਭਟਕਣਾ ਨਜ਼ਰ ਆਉਣ ਤੇ ਟੱਕਰ ਵੱਜਣ ਵਿਚਲਾ ਫ਼ਰਕ ਤੈਅ ਕਰਦਾ ਹੈ।

ਹਾਈਵੇ ਦੀ ਸਪੀਡ 'ਤੇ ਚੱਲਦਿਆਂ ਸਿਰਫ਼ ਤਿੰਨ ਸਕਿੰਟ ਲਈ ਆਪਣੇ ਫ਼ੋਨ ਵੱਲ ਹੇਠਾਂ ਦੇਖਣ ਵਾਲਾ ਡਰਾਈਵਰ ਤਕਰੀਬਨ ਇੱਕ ਫੁੱਟਬਾਲ ਦੇ ਮੈਦਾਨ ਜਿੰਨੀ ਦੂਰੀ ਤੈਅ ਕਰ ਜਾਂਦਾ ਹੈ। ਮੋਟਰਸਾਈਕਲ ਉਸ ਥਾਂ ਵਿੱਚ ਕਿਤੇ ਵੀ ਹੋ ਸਕਦਾ ਹੈ।

ਨਿਊ ਯਾਰਕ ਵਿੱਚ, ਡਰਾਈਵ ਕਰਦੇ ਵੇਲੇ ਹੱਥ ਵਿੱਚ ਫ਼ੋਨ ਵਰਤਣਾ ਗ਼ੈਰ-ਕਾਨੂੰਨੀ ਹੈਪਰ ਬਹੁਤ ਸਾਰੇ ਡਰਾਈਵਰ ਫਿਰ ਵੀ ਚੋਰੀ-ਚੋਰੀ ਆਪਣੀ ਸਕਰੀਨ ਵੱਲ ਝਾਤ ਮਾਰ ਲੈਂਦੇ ਨੇ। ਉਹੀ ਝਾਤ ਐਕਸੀਡੈਂਟ ਲਈ ਕਾਫ਼ੀ ਹੁੰਦੀ ਹੈ।

5. ਖ਼ਤਰਨਾਕ ਸੜਕਾਂ

ਨਿਊ ਯਾਰਕ ਵਿੱਚ ਸੜਕਾਂ ਦੀ ਹਾਲਤ ਦਾ ਹਮੇਸ਼ਾ ਅੰਦਾਜ਼ਾ ਨਹੀਂ ਲਾਇਆ ਜਾ ਸਕਦਾ। ਇੱਕ ਦਿਨ ਸੜਕ ਠੀਕ ਹੁੰਦੀ ਹੈ। ਅਗਲੇ ਦਿਨ, ਐਨਾ ਵੱਡਾ ਟੋਆ ਹੁੰਦਾ ਹੈ ਜੋ ਅੱਗੇ ਵਾਲੇ ਟਾਇਰ ਦਾ ਭੱਠਾ ਬਿਠਾ ਦੇਵੇ।

ਮੋਟਰਸਾਈਕਲ ਸੜਕ ਦੇ ਖ਼ਤਰਿਆਂ 'ਤੇ ਕਾਰਾਂ ਨਾਲੋਂ ਵੱਖਰੇ ਢੰਗ ਨਾਲ ਰੀਐਕਟ ਕਰਦੇ ਨੇ। ਢਿੱਲਾ ਬੱਜਰੀ, ਗਿੱਲੀ ਸੜਕ, ਲੋਹੇ ਦੀਆਂ ਜਾਲੀਆਂ, ਤੇ ਕੂੜਾ-ਕਰਕਟ ਜੋ ਕਾਰ ਨੂੰ ਕੁਝ ਨਹੀਂ ਕਰਦੇ, ਉਹ ਮੋਟਰਸਾਈਕਲ ਨੂੰ ਝੱਟ ਸੰਤੁਲਨ ਤੋਂ ਡੇਗ ਸਕਦੇ ਨੇ।

ਬਹੁਤ ਸਾਰੇ ਮੋਟਰਸਾਈਕਲ ਕਰੈਸ਼ਾਂ ਦੇ ਕਾਰਨਾਂ ਵਿੱਚ ਸੜਕ ਦੀ ਮਾੜੀ ਸਾਂਭ-ਸੰਭਾਲ ਇੱਕ ਆਮ ਵਜ੍ਹਾ ਹੈ। ਜੇ ਕਿਸੇ ਖ਼ਤਰੇ ਦੀ ਰਿਪੋਰਟ ਕੀਤੀ ਗਈ ਸੀ ਪਰ ਕਦੇ ਠੀਕ ਨਹੀਂ ਕੀਤਾ ਗਿਆ, ਤਾਂ ਇਸਦਾ ਮਤਲਬ ਹੋ ਸਕਦਾ ਹੈ ਕਿ ਜ਼ਿੰਮੇਵਾਰੀ ਸ਼ਾਮਲ ਡਰਾਈਵਰ ਤੋਂ ਅੱਗੇ ਵੀ ਜਾ ਸਕਦੀ ਹੈ।

6. ਸ਼ਰਾਬ ਤੇ ਨਸ਼ੇ ਵਿੱਚ ਡਰਾਈਵਿੰਗ

ਹਰ ਡਰਾਈਵਰ ਨੂੰ ਸ਼ਰਾਬ ਪੀ ਕੇ ਡਰਾਈਵ ਕਰਨ ਦੇ ਖ਼ਤਰੇ ਪਤਾ ਨੇ, ਪਰ ਕੁਝ ਫਿਰ ਵੀ ਇੰਝ ਕਰਦੇ ਨੇ। ਰੀਐਕਟ ਕਰਨ ਦਾ ਟਾਈਮ ਹੌਲੀ ਹੋ ਜਾਂਦਾ ਹੈ, ਡੂੰਘਾਈ ਦੀ ਪਛਾਣ ਵਿਗੜ ਜਾਂਦੀ ਹੈ, ਤੇ ਸਮਝਦਾਰੀ ਗਾਇਬ ਹੋ ਜਾਂਦੀ ਹੈ। ਇਹ ਕਿਸੇ ਵੀ ਸੜਕ ਵਰਤਣ ਵਾਲੇ ਲਈ ਖ਼ਤਰਨਾਕ ਮੇਲ ਹੈ, ਪਰ ਮੋਟਰਸਾਈਕਲ ਵਾਲਿਆਂ ਲਈ ਇਹ ਜਾਨਲੇਵਾ ਹੋ ਸਕਦਾ ਹੈ।

ਮੋਟਰਸਾਈਕਲਾਂ ਕੋਲ ਸੀਟਬੈਲਟ, ਏਅਰਬੈਗ, ਤੇ ਕਰੰਪਲ ਜ਼ੋਨ ਨਹੀਂ ਹੁੰਦੇ, ਜਿਸ ਕਰਕੇ ਗਲਤੀ ਦੀ ਕੋਈ ਗੁੰਜਾਇਸ਼ ਨਹੀਂ ਰਹਿੰਦੀ। ਨਸ਼ੇ ਵਿੱਚ ਧੁੱਤ ਡਰਾਈਵਰ ਦੇ ਇੱਕ ਮਾੜੇ ਫ਼ੈਸਲੇ ਨਾਲ ਐਸਾ ਕਰੈਸ਼ ਹੋ ਸਕਦਾ ਹੈ ਜੋ ਕਦੇ ਹੋਣਾ ਹੀ ਨਹੀਂ ਸੀ ਚਾਹੀਦਾ।

ਕਾਨੂੰਨ ਲਾਗੂ ਕਰਨ ਵਾਲੇ ਇਹਨਾਂ ਕੇਸਾਂ ਨੂੰ ਸੰਜੀਦਗੀ ਨਾਲ ਲੈਂਦੇ ਨੇ, ਤੇ ਸੱਟ ਦੇ ਕਲੇਮ ਵੀ ਇੰਝ ਹੀ ਲੈਂਦੇ ਨੇ। ਸ਼ਰਾਬ ਜਾਂ ਨਸ਼ੇ ਵਿੱਚ ਸਟੀਅਰਿੰਗ ਫੜ੍ਹ ਕੇ ਮੋਟਰਸਾਈਕਲ ਵਾਲਿਆਂ ਨੂੰ ਖ਼ਤਰੇ ਵਿੱਚ ਪਾਉਣ ਦਾ ਕੋਈ ਬਹਾਨਾ ਨਹੀਂ ਹੈ।

ਮੋਟਰਸਾਈਕਲ ਕਰੈਸ਼ ਤੋਂ ਬਾਅਦ ਕੀ ਹੁੰਦਾ ਹੈ?

ਕਰੈਸ਼ ਦਾ ਕਾਰਨ ਪਤਾ ਕਰਨਾ ਸਿਰਫ਼ ਸ਼ੁਰੂਆਤ ਹੈ। ਮੋਟਰ ਗੱਡੀ ਦੇ ਐਕਸੀਡੈਂਟਾਂ ਲਈ ਨਿਊ ਯਾਰਕ ਦੇ ਕੰਪੈਰੇਟਿਵ ਫਾਲਟ ਨਿਯਮਾਂ ਤਹਿਤ, ਇੰਸ਼ੋਰੈਂਸ ਕੰਪਨੀਆਂ ਭੁਗਤਾਨ ਘਟਾਉਣ ਦੇ ਰਾਹ ਲੱਭਦੀਆਂ ਨੇ, ਤੇ ਬਦਲੇ ਹੋਏ ਕਾਨੂੰਨ ਤਹਿਤ, ਜੇ ਉਹ ਤੁਹਾਡੇ ਕਸੂਰ ਦਾ ਹਿੱਸਾ 50% ਤੋਂ ਉੱਪਰ ਧੱਕ ਸਕਣ, ਤਾਂ ਉਹਨਾਂ ਨੇ ਤੁਹਾਨੂੰ ਕੁਝ ਵੀ ਨਹੀਂ ਦੇਣਾ।

ਮਿਸਾਲ ਵਜੋਂ, ਇੱਕ ਡਰਾਈਵਰ ਮੋਟਰਸਾਈਕਲ ਦਾ ਰਾਹ ਕੱਟ ਕੇ ਕਰੈਸ਼ ਕਰਵਾ ਸਕਦਾ ਹੈ, ਪਰ ਇੰਸ਼ੋਰੈਂਸ ਕੰਪਨੀ ਇਹ ਦਲੀਲ ਦਿੰਦੀ ਹੈ ਕਿ ਰਾਈਡਰ ਸਪੀਡ ਲਿਮਿਟ ਤੋਂ ਥੋੜ੍ਹਾ ਤੇਜ਼ ਜਾ ਰਿਹਾ ਸੀ ਜਾਂ ਉਸ ਨੂੰ ਵੱਧ ਚਮਕੀਲਾ ਗੀਅਰ ਪਾਉਣਾ ਚਾਹੀਦਾ ਸੀ। ਭਾਵੇਂ ਕਰੈਸ਼ ਡਰਾਈਵਰ ਦੇ ਕਰਕੇ ਹੋਇਆ ਹੋਵੇ, ਇੰਸ਼ੋਰੈਂਸ ਕੰਪਨੀਆਂ ਕੁਝ ਕਸੂਰ ਮੋਟਰਸਾਈਕਲ ਵਾਲੇ 'ਤੇ ਪਾਉਣ ਦੀ ਕੋਸ਼ਿਸ਼ ਕਰਦੀਆਂ ਨੇ.

ਇਸੇ ਕਰਕੇ ਸ਼ੁਰੂ ਵਿੱਚ ਹੀ ਇਹ ਪਤਾ ਕਰਨਾ ਬਹੁਤ ਜ਼ਰੂਰੀ ਹੈ ਕਿ ਗੜਬੜ ਕਿੱਥੇ ਹੋਈ। ਪੁਲਿਸ ਰਿਪੋਰਟਾਂ, ਗਵਾਹਾਂ ਦੇ ਬਿਆਨ, ਟਰੈਫਿਕ ਕੈਮਰੇ ਦੀ ਫੁਟੇਜ, ਤੇ ਐਕਸੀਡੈਂਟ ਦਾ ਮੁੜ ਨਿਰਮਾਣ, ਇਹ ਸਭ ਕਰੈਸ਼ ਦੇ ਕਾਰਨ ਸਾਬਤ ਕਰਨ ਵਿੱਚ ਮਦਦ ਕਰਦੇ ਨੇ। ਇੱਕ ਤਜਰਬੇਕਾਰ ਮੋਟਰਸਾਈਕਲ ਕ੍ਰੈਸ਼ ਅਟਾਰਨੀ ਜਾਣਦੇ ਹਨ ਕਿ ਕੀ ਲੱਭਣਾ ਹੈ ਅਤੇ ਸਬੂਤ ਦੇ ਇਹਨਾਂ ਟੁਕੜਿਆਂ ਨੂੰ ਕਿਵੇਂ ਕੰਮ ਵਿੱਚ ਲਿਆਉਣਾ ਹੈ ਤਾਂ ਜੋ ਜ਼ਿੰਮੇਵਾਰ ਧਿਰਾਂ ਨੂੰ ਜਵਾਬਦੇਹ ਠਹਿਰਾਇਆ ਜਾ ਸਕੇ ਅਤੇ ਤੁਹਾਨੂੰ ਉਹ ਮੁਆਵਜ਼ਾ ਮਿਲ ਸਕੇ ਜਿਸ ਦੀ ਤੁਹਾਨੂੰ ਲੋੜ ਹੈ।

Greenspan & Greenspan Injury Lawyers, P.C. ਨਿਊਯਾਰਕ ਦੇ ਮੋਟਰਸਾਈਕਲ ਸਵਾਰਾਂ ਦੀ ਰਾਖੀ ਕਰਦੇ ਹਨ

ਮੋਟਰਸਾਈਕਲ ਸਵਾਰ ਸੜਕ ਸਾਂਝੀ ਕਰਨ ਦੇ ਖ਼ਤਰੇ ਜਾਣਦੇ ਹਨ, ਪਰ ਜਦੋਂ ਕੋਈ ਡਰਾਈਵਰ ਧਿਆਨ ਨਹੀਂ ਦੇ ਰਿਹਾ ਹੁੰਦਾ ਤਾਂ ਕਿੰਨੀ ਵੀ ਮੁਹਾਰਤ ਕ੍ਰੈਸ਼ ਨੂੰ ਨਹੀਂ ਰੋਕ ਸਕਦੀ। ਇੱਕ ਪਲ ਦੀ ਗਲਤੀ—ਅਸੁਰੱਖਿਅਤ ਲੇਨ ਬਦਲਣੀ, ਬਿਨਾਂ ਦੇਖੇ ਖੱਬੇ ਮੁੜਨਾ, ਜਾਂ ਡਰਾਈਵਰ ਦਾ ਫ਼ੋਨ ਨਾਲ ਚਿੰਬੜੇ ਰਹਿਣਾ—ਕਿਸੇ ਸਵਾਰ ਨੂੰ ਉਸ ਦੇ ਬਾਈਕ ਤੋਂ ਸੁੱਟ ਕੇ ਜ਼ਿੰਦਗੀ ਬਦਲ ਦੇਣ ਵਾਲੀਆਂ ਸੱਟਾਂ ਲਾ ਸਕਦੀ ਹੈ।

30 ਸਾਲਾਂ ਤੋਂ ਵੱਧ ਸਮੇਂ ਤੋਂ, Greenspan & Greenspan Injury Lawyers ਨੇ ਉਹਨਾਂ ਸਵਾਰਾਂ ਨਾਲ ਕੰਮ ਕੀਤਾ ਹੈ ਜੋ ਲਾਪਰਵਾਹ ਡਰਾਈਵਰਾਂ ਕਾਰਨ ਹੋਏ ਕ੍ਰੈਸ਼ਾਂ ਵਿੱਚ ਜ਼ਖਮੀ ਹੋਏ ਹਨ। ਅਸੀਂ ਮੋਟਰਸਾਈਕਲ ਹਾਦਸਿਆਂ ਦੇ ਕਾਰਨਾਂ ਨੂੰ ਸਮਝਦੇ ਹਾਂ ਅਤੇ ਇਹ ਵੀ ਕਿ ਜਦੋਂ ਡਰਾਈਵਰ ਦੀ ਲਾਪਰਵਾਹੀ ਕਾਰਨ ਗੰਭੀਰ ਸੱਟਾਂ ਲੱਗਦੀਆਂ ਹਨ ਤਾਂ ਕਸੂਰ ਕਿਵੇਂ ਸਾਬਤ ਕਰਨਾ ਹੈ।

ਅੱਜ ਹੀ ਸਾਨੂੰ ਫ਼ੋਨ ਕਰੋ ਮੁਫ਼ਤ ਸਲਾਹ-ਮਸ਼ਵਰੇ ਲਈ। ਆਓ ਤੁਹਾਡੇ ਮੋਟਰਸਾਈਕਲ ਹਾਦਸੇ ਬਾਰੇ ਗੱਲ ਕਰੀਏ, ਕਿ ਇਹ ਕਿਵੇਂ ਹੋਇਆ, ਅਤੇ ਤੁਸੀਂ ਅੱਗੇ ਕੀ ਕਦਮ ਚੁੱਕ ਸਕਦੇ ਹੋ।